Javanese Media Online of Aceh

Rahasia Besar ꧁ꦱꦼꦫꦠ꧀ꦮꦱꦶꦠꦠꦩ꧂(2)

Oleh BenerPOST tanggal Senin, 25 Februari 2013 | 05.57

Kasalin dening Waskita Kinanthi

Email : gugahennyawaku@gmail.com

ꦪꦺꦤ꧀ꦫꦶꦤꦲꦭꦸꦫꦸꦭꦸꦫꦸ꧈ꦲꦭꦔꦔ꧀ꦒꦸꦫ꧀ꦩꦶꦭꦁꦩꦶꦭꦶꦁ꧈ꦚꦚ꧀ꦗꦤ꧀ꦤꦶꦲꦶꦁꦠꦺꦴꦔ꧀ꦒꦠꦺꦴꦔ꧀ꦒ꧈ꦪꦺꦤ꧀

ꦲꦤꦒꦺꦴꦩ꧀ꦧꦭ꧀ꦏꦸꦩ꧀ꦭꦮꦶꦫ꧀‍ꦭꦢꦶꦁꦥꦔꦺꦴꦠ꧀ꦒꦸꦤ꧀ꦠꦶꦁꦠꦠꦃ꧈ꦪꦺꦤ꧀ꦭꦶꦩ꧀ꦥꦺꦩꦼꦰ꧀ꦛꦶꦲꦶꦔꦩ꧀ꦧꦶꦭ꧀‍꧈꧃

ꦩꦺꦩꦶꦏ꧀ꦏꦺꦱꦪꦏꦭꦤ꧀ꦠꦸꦫ꧀‍ꦱꦧꦫꦁꦏꦠꦺꦴꦤ꧀ꦢꦺꦤ꧀ꦲꦶꦚ꧀ꦕꦶꦃ꧈ꦩꦫ꧀ꦒꦶꦱꦸꦔ꧀ꦏꦤ꧀ꦲꦔ꧀ꦒꦸꦭꦮꦠ꧀‍

ꦲꦔ꧀ꦏꦠ꧀ꦗꦸꦚ꧀ꦗꦸꦁꦩꦶꦏꦸꦭ꧀ꦲꦶꦱꦶꦤ꧀꧇‍ꦏꦧꦸꦠꦸꦃꦮꦼꦠꦼꦁꦏꦿꦺꦴꦚ꧀ꦕꦺꦴꦁꦔꦤ꧀‍ꦠꦼꦩꦃꦚꦼꦧꦿꦺꦴꦠ꧀ꦚꦼꦊ

ꦫ꧀ꦔꦸꦠꦶꦭ꧀‍꧈꧃ꦱꦧꦺꦁꦥꦱꦫ꧀ꦲꦚꦶꦚꦶꦏꦸꦠ꧀‍‍ꦲꦔꦺꦴꦤ꧀ꦲꦸꦭꦠ꧀ꦥ꧀ꦭꦶꦫꦏ꧀ꦥ꧀ꦭꦶꦫꦶꦏ꧀ꦱꦸꦥꦠ

ꦢꦺꦤ꧀ꦲꦔ꧀ꦒꦺꦴꦏꦿꦩꦱ꧀‍ꦠꦤ꧀ꦔꦏꦸꦢꦺꦤ꧀ꦠꦺꦴꦃꦲꦶꦮꦤꦶ꧉꧃ꦪ꧀ꦮꦩꦔ꧀ꦏꦺꦴꦤꦺꦴꦮꦺꦴꦁꦠꦸꦩꦸꦮꦸꦃ꧈

ꦪꦺꦴꦒꦾꦢꦤ꧀ꦲꦮꦱ꧀ꦢꦺꦤ꧀ꦲꦭꦶꦁ꧈ꦲꦺꦭꦶꦁꦔꦲꦶꦁꦥꦸꦫ꧀ꦮꦩꦢꦾ꧈ꦮꦱꦤꦮꦃꦪꦺꦁꦢꦸꦩꦢꦶ꧈ꦩꦸꦭꦾ

ꦥꦥꦩꦸꦁꦲꦤꦺꦴꦩ꧀ꦥ꧈ꦱꦏꦶꦁꦠꦶꦔ꧀ꦏꦃꦚꦥꦿꦶꦧꦢꦶ꧉꧃ꦩꦫ꧀ꦩꦢꦺꦤ꧀ꦩꦫ꧀ꦱꦸꦢꦶꦏꦮꦿꦸꦃ꧈ꦩꦔꦱꦃꦭꦟ꧀ꦝꦼ

ꦥ꧀ꦥꦶꦁꦧꦸꦢꦶ꧈ꦧꦸꦢꦶꦩꦤ꧀ꦲꦩ꧀ꦧꦼꦒꦲꦸꦠꦩ꧈ꦔꦸꦩꦭꦠꦾꦱ꧀ꦚꦲꦮꦼꦤꦶꦁ꧈ꦧꦺꦔ꧀ꦏꦱ꧀ꦲꦫ꧀ꦢꦤꦶꦁꦆꦤ꧀ꦢꦿꦶ

ꦪ꧈ꦪꦺꦏꦸꦱꦸꦗꦭ꧀ꦩꦭꦶꦤꦸꦮꦶꦃ꧉꧃ꦩꦔꦱꦃꦮꦼꦔꦤ꧀ꦤꦶꦁꦲꦪꦸ꧈ꦠꦤ꧀ꦭꦾꦤ꧀ꦤꦺꦁꦗꦿꦺꦴꦤꦶꦁꦱꦩꦢꦶ꧈ꦲ

ꦪ꧀ꦮꦱꦃꦲꦶꦁꦱꦭꦩꦶꦚ꧈ꦭꦩꦸꦤ꧀ꦭꦟ꧀ꦝꦼꦥ꧀ꦥꦺꦮꦸꦱ꧀ꦩꦶꦔꦶꦱ꧀‍ꦥꦶꦟ꧀ꦝꦲꦿꦸꦕꦏꦿꦧꦱ꧀ꦮꦫ꧈ꦥꦱꦃꦧꦸꦠꦸꦭ꧀ꦏꦼ

ꦤ꧀ꦗꦒꦢ꧀ꦠꦿꦶ꧉꧃ꦲꦶꦔ꧀ꦏꦁꦮꦱ꧀ꦥꦢꦺꦁꦲꦶꦁꦱꦼꦩꦸ꧈ꦪ꧀ꦮꦥꦶꦱꦤ꧀ꦲꦩꦶꦠꦩ꧀ꦧꦸꦃꦲꦶ꧈ꦠꦿꦸꦱ꧀ꦱꦶꦁꦠꦶꦁꦔꦭ꧀ꦢꦺꦤ꧀ꦏ

ꦮꦁꦮꦁ꧈ꦮꦁꦮꦁꦔꦼꦤ꧀ꦢꦺꦤ꧀ꦚꦏꦭꦶꦁꦭꦶꦁ꧈ꦔ꧀ꦭꦶꦭꦶꦁꦔ꧀ꦭꦔꦸꦠ꧀ꦠꦶꦁꦏꦊꦔ꧀ꦏꦤ꧀‍ꦭꦸꦏꦶꦠꦭꦸꦔꦶꦠ꧀ꦠꦶꦁꦲꦸꦫꦶꦥ꧀꧈꧃

ꦩꦔ꧀ꦏꦤꦥꦿꦢꦶꦏꦤꦶꦥꦸꦤ꧀‍ꦩꦼꦫꦸꦃꦲꦶꦮꦿꦤꦤꦶꦁꦲꦸꦫꦥ꧀‍ꦱꦩꦾꦮꦱ꧀ꦱꦶꦁꦏꦮꦶꦱꦺꦱꦤ꧀‍ꦭꦮꦤ꧀ꦮꦶꦱꦺ

ꦱꦤ꧀ꦤꦶꦁꦠꦸꦔ꧀ꦒꦶꦭ꧀‍ꦠꦸꦲꦸꦪꦺꦤ꧀ꦠꦸꦔ꧀ꦒꦭ꧀ꦥꦶꦤꦺꦴꦔ꧀ꦏ꧈ꦩꦤꦸꦏ꧀ꦩꦺꦁꦗꦒꦢ꧀ꦱꦏꦭꦶꦫ꧀꧉꧃ꦢꦫ꧀ꦩꦤꦺ

ꦏꦁꦮꦸꦱ꧀ꦠꦶꦤꦼꦩ꧀ꦠꦸ꧈ꦏꦱꦼꦩ꧀ꦧꦢꦤ꧀ꦤꦶꦁꦥꦔꦺꦏ꧀ꦱꦶ꧈ꦪ꧀ꦮꦢꦃꦮꦺꦤ꧀ꦏꦥꦶꦲꦺꦴꦥꦺꦤ꧀ꦤꦤ꧀‍ꦥꦤꦱ꧀ꦠꦺꦤ꧀ꦤꦥꦶꦗ

ꦆꦭ꧀‍ꦲꦤꦼꦏꦼꦫ꧀ꦏꦁꦤꦥ꧀ꦱꦸꦲꦮ꧈ꦩꦸꦲꦸꦁꦩꦼꦤꦼꦁꦩ ꦩꦿꦶꦃꦮꦼꦤꦶꦁ꧉꧃ꦲꦪ꧀ꦮꦚꦸꦭꦪꦤ꧀ꦤꦶꦮꦸꦮꦸꦱ꧀‍ꦮꦸ

ꦮꦸꦱ꧀ꦱꦶꦁꦭꦾꦤ꧀ꦏꦁꦏꦮꦶꦗꦶꦭ꧀‍ꦤꦢꦾꦤ꧀ꦲꦶꦏꦸꦤꦺꦴꦫꦚꦪ꧈ꦲꦭꦶꦁꦔꦤꦢꦺꦤ꧀ꦲꦧꦼꦕꦶꦏ꧀‍ꦩꦸꦁ

ꦔꦺꦤꦏ꧀ꦏꦶꦠꦾꦱ꧀ꦱꦶꦁꦭꦶꦪꦤ꧀‍ꦥꦤ꧀ꦲꦶꦏꦸꦧꦸꦢꦶꦥꦽꦩꦠꦶ꧉꧃ꦱꦠꦸꦲꦸꦏꦧꦒꦾꦤ꧀ꦲꦒꦸꦁ꧈ꦫꦃ

ꦲꦪꦸꦱꦭꦩꦶꦭꦩꦶ꧈ꦲꦸꦠꦩꦩꦸꦰ꧀ꦛꦶꦏꦺꦁꦗꦤ꧈ꦥꦤ꧀ꦠꦼꦱ꧀ꦪꦺꦤ꧀ꦥꦶꦤꦸꦟ꧀ꦝꦶꦥꦸꦟ꧀ꦝꦶ꧈ꦢꦢꦾꦱꦸꦢꦫ꧀ꦱꦤ

ꦤꦶꦁꦔꦿꦠ꧀‍ꦥꦿꦱꦸꦗꦤꦮꦸꦫꦶꦮꦸꦫꦶ꧉꧃ꦏꦢꦾꦭꦭꦧꦼꦠ꧀ꦠꦤ꧀ꦤꦶꦥꦸꦤ꧀‍ꦗꦼꦁꦯꦸꦭ꧀ꦡꦤ꧀ꦦꦗꦁꦲꦶꦁꦔꦸꦤꦶ꧈ꦏ

ꦭꦮꦤ꧀ꦥꦸꦠꦿꦱꦁꦟꦡ꧈ꦥꦤꦼꦩ꧀ꦨꦃꦲꦤ꧀ꦯꦺꦟꦺꦴꦦꦡꦶ꧈ꦩꦶꦮꦃꦗꦼꦁꦦꦁꦔꦺꦫꦤ꧀ꦲꦫ꧀ꦪ꧈ꦩꦔ꧀ꦑꦸꦨꦸꦩꦶ

ꦯꦺꦴꦑꦮꦡꦶ꧉꧃ꦪꦓꦾꦏꦫ꧀ꦡꦲꦩꦼꦔ꧀ꦏꦸ꧈ꦨꦸꦮꦟꦲꦶꦁꦏꦁꦩꦸꦫ꧀ꦮꦤ꧀ꦤꦶ꧈ꦗꦸꦩꦼꦤꦼꦁꦏꦥꦶꦁꦱꦗꦸꦒ꧈ꦲꦶ

ꦔ꧀ꦏꦁꦩꦿꦮꦱꦺꦁꦑꦸꦩ꧀ꦥꦼꦤꦶ꧈ꦭꦤ꧀ꦩꦭꦶꦃꦑꦔ꧀ꦗꦼꦁꦦꦔꦺꦫꦤ꧀ꦢꦶꦦꦟꦓꦬꦲꦶꦁꦔꦸꦤꦶ꧉꧃ꦲꦺꦩꦤꦺ

ꦤꦺꦴꦫꦗꦶꦤꦸꦫꦸꦁ꧈ꦮꦶꦠ꧀ꦱꦏꦶꦁꦕꦶꦢꦿꦤꦶꦁꦄꦧ꧀ꦢꦶ꧈ꦏꦾꦲꦶꦩꦗꦭꦫꦲꦸꦪꦔ꧈ꦩꦢꦶꦪꦸꦤ꧀ꦲꦸꦢꦤ꧀ꦩ

ꦱ꧀ꦥꦶꦕꦶꦱ꧀‍‍ꦥꦸꦮꦫꦑꦔ꧀ꦗꦼꦁꦦꦔꦺꦫꦤ꧀ꦏꦶꦤꦺꦟ꧀ꦛꦁꦩꦿꦶꦁꦭꦾꦤ꧀ꦤꦒꦿꦶ꧉꧃ꦤꦺꦁꦲꦩ꧀ꦧꦺꦴꦤ꧀ꦏꦮꦼꦭꦱ꧀ꦱ

ꦪꦾꦤ꧀‍ꦲꦠꦗꦶꦟ꧀ꦝꦲꦫ꧀ꦭꦤ꧀ꦒꦹꦭꦶꦁ꧈ꦚꦸꦚꦸꦮꦸꦤ꧀ꦩꦫꦶꦁꦲꦾꦁꦯꦸꦏ꧀ꦱ꧀ꦩ꧈ꦩꦸꦒꦶꦲꦶꦁꦮꦸꦫꦶꦔꦢꦶꦭ꧀ꦭꦶ꧈ꦥꦫꦶꦁ

ꦧꦼꦤ꧀ꦢꦸꦱꦶꦢꦸꦫ꧀ꦲꦏ꧈ꦏꦁꦢꦲꦢ꧀ꦢꦸꦫ꧀ꦠꦺꦁꦔꦿꦠ꧀ꦪꦼꦏ꧀ꦠꦶ꧉꧃ꦧꦮꦤꦶꦁꦱꦠꦿꦶꦪꦭꦸꦲꦸꦁ꧈ꦠꦸꦫꦱ꧀ꦱꦶꦁꦲꦤ꧀ꦢ

ꦤꦮꦫꦶꦃ꧈ꦱꦶꦤꦼꦩ꧀ꦧꦸꦲꦶꦁꦠꦥꦧꦿꦠ꧈ꦠꦶꦤꦫꦶꦩ ꦩꦿꦶꦁꦲꦾꦁꦮꦶꦢꦶ꧈ꦮꦺꦴꦁꦕꦺꦧꦺꦴꦭ꧀ꦏꦼꦥꦭꦁꦥꦿꦥ꧀ꦠ꧈

ꦔ꧀ꦊꦧꦸꦫ꧀ꦥꦿꦢꦸꦫ꧀ꦠꦁꦥꦏꦫ꧀ꦠꦶ꧉꧃ꦤꦢꦾꦤ꧀ꦩꦏꦠꦼꦤ꧀ꦤꦱꦩ꧀ꦥꦸꦤ꧀‍ꦔꦶꦠꦏ꧀ꦱꦶꦃꦗꦿꦺꦴꦤꦶꦁꦩꦫꦸꦔ꧀ꦱꦶꦠ꧀‍

ꦔ꧀ꦒꦭꦩꦔꦺꦟ꧀ꦢꦿꦗꦪ꧈‍ꦫꦶꦫꦶꦥꦸꦗꦥꦶꦝꦠꦼꦁꦔꦶ꧈ꦱꦏꦶꦁꦗꦿꦺꦴꦲꦩꦶꦟ꧀ꦝꦺꦴꦫꦺꦴꦮꦁ꧈ꦱꦸꦩꦸꦱꦸꦥ꧀ꦲꦤ꧀ꦢ

ꦫꦸꦧꦼꦱꦶ꧉꧃ꦲꦭꦭꦶꦩꦺꦭꦶꦏ꧀ꦲꦶꦁꦔꦪꦸꦤ꧀‍ꦧ꧀ꦊꦉꦁꦔꦼꦤ꧀ꦱꦺꦴꦱꦺꦴꦠꦾꦫꦸꦏ꧀ꦩꦶ꧈ꦧꦸꦱꦤꦧꦺꦴ

ꦒꦩꦾꦁꦲꦫ꧀ꦠ꧈ꦤꦸꦫꦸꦠ꧀ꦠꦶꦲꦫ꧀ꦢꦤꦶꦁꦝꦶꦫꦶ꧈ꦲꦤꦶꦔ꧀ꦒꦭ꧀ꦥꦸꦫ꧀ꦮꦤꦶꦁꦱꦼꦢꦾ꧈ꦲꦶꦏꦸꦧꦺꦒꦭ꧀ꦭꦤ꧀ꦒꦼꦁꦪꦼꦏ꧀ꦠꦶ꧉

꧃ꦏꦁꦧꦏꦭ꧀ꦩꦸꦫꦹꦁꦭꦏꦸ꧈ꦲꦮꦺꦴꦫ꧀ꦥꦫꦤꦶꦰ꧀ꦛꦶꦥ꧀‍ꦤꦺꦴꦫꦔꦺꦭ꧀ꦢꦺꦤ꧀ꦭꦏꦺꦴꦤ꧀ꦤꦤ꧈ꦧꦺꦢꦭ

ꦤ꧀ꦥꦫꦭꦶꦤꦸꦮꦶꦃ꧉꧃ꦏꦁꦩꦫ꧀ꦢꦶꦏꦭꦸꦲꦸꦫ꧀ꦫꦤ꧀ꦒꦹꦁ꧈ꦭꦤ꧀ꦏꦮꦶꦧꦮꦤ꧀ꦤꦶꦁꦲꦸꦫꦶꦥ꧀꧇ꦏꦭꦩꦸꦤ꧀ꦥꦶꦤꦶꦗꦶ

ꦏꦫ꧀ꦪ꧈ꦏꦁꦥꦏꦺꦮꦸꦃꦧꦪꦥꦠꦶ꧈ꦲꦶꦏꦸꦢꦺꦤ꧀ꦏꦸꦉꦧ꧀ꦧꦶꦚꦮ꧈ꦏꦸꦏꦸꦃꦲꦔꦸꦏꦸꦃꦲꦶ꧉꧃ꦏ

ꦲꦤ꧀ꦠꦼꦥ꧉ꦥꦤꦶꦁꦏꦭ꧀ꦧꦸ꧈ꦲꦶꦏꦫ꧀ꦪꦏꦁꦢꦺꦤ꧀ꦱꦔ꧀ꦒꦺꦩ꧀ꦩꦶ꧈ꦠꦸꦩꦶꦤ꧀ꦢꦏ꧀ꦭꦮꦤ꧀ꦲꦸꦠ꧈ꦠꦸꦩꦤ꧀ꦮꦱꦤ

ꦔꦿꦩ꧀ꦥꦸꦁꦔꦶ꧈ꦲꦏꦸꦱꦠꦿꦶꦪꦧꦼꦏ꧀ꦠꦩ꧈ꦏꦁꦥꦠꦸꦠ꧀ꦔꦩ꧀ꦧꦠ꧀ꦤꦒꦫꦶ꧉꧃ꦲꦶꦪꦗꦒꦢ꧀ꦨꦛꦫꦒꦸꦁ꧈

ꦮꦱꦺꦱꦤꦼꦤ꧀ꦥꦿꦢꦸꦱ꧀ꦏꦫ꧀ꦠꦶ꧈ꦯꦸꦑꦿꦗꦄꦼꦤꦫ꧀ꦭꦤ꧀ꦲꦾꦁꦯꦺꦴꦩ꧈꧈ꦮꦸꦱ꧀ꦤꦺꦁꦠꦮꦁꦕꦃꦪꦮꦼꦤꦶꦁ꧈ꦱ

ꦱ꧀ꦩꦶꦠꦺꦁꦗꦒꦢ꧀ꦏꦮꦼꦝꦫ꧀‍ꦱꦸꦁꦲꦺꦭꦶꦁꦏꦁꦱꦩꦾꦭꦭꦶ꧉꧃ꦭꦭꦶꦏꦺꦭꦸꦩꦿꦶꦁꦏꦸꦏꦸꦮꦸꦁ꧈ꦲꦸꦫꦸꦧ꧀ꦧꦶꦁ

ꦏꦁꦱꦼꦏꦫ꧀ꦲꦥꦶ꧈ꦤꦟ꧀ꦝꦶꦁꦲꦾꦁꦯꦺꦴꦩꦡꦽꦔ꧀ꦓꦟ꧈ꦲꦔ꧀ꦒꦪꦸꦃꦤꦺꦁꦔꦮꦶꦪꦠ꧀ꦠꦶ꧈ꦔꦶꦁꦠꦤ꧀ꦥꦗꦤꦶꦩ꧀ꦧꦁ

ꦔꦤ꧈ꦧꦾꦫ꧀ꦥꦼꦠ꧀ꦕꦃꦪꦚꦔꦼꦩꦱ꧀ꦱꦶ‍꧉꧃ꦥꦿꦤ꧀ꦢꦺꦤꦺꦲꦏꦺꦃꦏꦁꦏꦺꦭꦸ꧈ꦝꦼꦩꦼꦤ꧀ꦤꦺꦱꦠꦼꦩꦃ

ꦩꦠꦶ꧈ꦩꦠꦶꦠꦤ꧀ꦠꦸꦭꦸꦱ꧀ꦮꦶꦢꦢ꧈ꦮꦶꦢꦢꦠꦸꦭꦸꦱ꧀ꦲꦶꦁꦮꦸꦫꦶ꧈ꦏꦁꦤꦟ꧀ꦝꦁꦒꦼꦁꦔꦶꦁꦮꦶꦱꦪ꧈ꦲꦝꦸꦃꦩꦼꦩꦼ

ꦭꦱ꧀ꦥꦸꦤꦶꦏꦶ꧈ꦠꦤ꧀ꦥꦢꦺꦴꦱꦤꦼꦩꦸꦱꦶꦏ꧀ꦱ꧈ꦭꦸꦭꦸꦫ꧀ꦫꦺꦏꦁꦮꦺꦃꦧ꧀ꦭꦲꦶ꧉꧃ꦧꦶꦭꦲꦶꦩꦫ꧀ꦒ

ꦤꦺꦏꦺꦭꦸ꧈ꦏꦱꦸꦱꦸꦏꦥꦺꦔꦶꦤ꧀ꦩꦸꦏ꧀ꦠꦶ꧈ꦩꦺꦭꦶꦏ꧀ꦧꦺꦴꦟ꧀ꦝꦭꦭꦶꦤꦸꦱ꧀ꦮ꧈ꦠꦼꦩꦃꦏꦱꦱꦫ꧀ꦲꦶꦁꦩꦫ꧀ꦒꦶ꧈

ꦲꦸꦩꦚ꧀ꦗꦶꦁꦏꦿꦠꦺꦴꦤ꧀ꦱꦺꦭꦸꦩꦤ꧀‍ꦮꦶꦤꦭꦶꦏ꧀ꦩꦿꦶꦁꦥꦠ꧀ꦲꦸꦩꦺꦏ꧀ꦱꦶ꧉꧃ꦏꦿꦠꦺꦴꦤ꧀ꦏꦚ꧀ꦕꦤꦲꦸ

ꦩꦚ꧀ꦕꦹꦫ꧀‍ꦭꦔ꧀ꦏꦸꦁꦏꦕꦫ꧀ꦪꦤ꧀ꦤꦶꦔꦭ꧀ꦭꦶ꧈ꦲꦶꦱꦶꦤꦺꦩꦤꦺꦏꦮꦫ꧀ꦟ꧈ꦱꦔ꧀ꦏꦼꦥ꧀ꦱꦩꦶꦱꦫ꧀ꦮꦥꦺꦤꦶ꧈ꦭꦔ꧀ꦏꦸꦁ

ꦏꦠꦽꦩ꧀ꦩꦤꦃꦲꦶꦫ꧈ꦏꦶꦤꦶꦤ꧀ꦠꦄꦼꦤ꧀ꦩꦚ꧀ꦗꦶꦁꦱ꧀ꦮꦫ꧀ꦒꦢꦶ꧉꧃ꦠꦤ꧀ꦮꦿꦸꦃꦲꦼꦔ꧀ꦒꦺꦤ꧀ꦧꦺꦧꦪꦒꦸꦁ꧈ꦩꦸꦲꦸꦁꦱꦸꦱꦸ

ꦭꦥ꧀ꦥꦤꦼꦔ꧀ꦒꦶꦃ꧈ꦠꦤ꧀ꦲꦤꦧꦫꦁꦏꦁꦚꦠ꧈ ꦏꦧꦺꦃꦩꦺꦱꦶꦮꦶꦱꦩꦤ꧀ꦢꦶ꧈ꦔꦶꦔ꧀ꦏꦃꦱꦩꦶꦏꦠꦩ꧀ꦧꦸꦃ

ꦲꦤ꧀‍ꦮꦶꦠ꧀ꦩꦺꦭꦶꦏ꧀ꦏꦥꦫ꧀ꦫꦶꦁꦔꦫ꧀ꦰꦶ꧉꧃ꦥꦶꦭꦶꦃꦲꦱꦺꦴꦫ꧀ꦲꦥꦲꦸꦔ꧀ꦒꦸꦭ꧀‍ꦪꦺꦤ꧀ꦲꦱꦺꦴꦫ꧀ꦠꦸꦮꦸꦏ꧀

ꦲꦧꦸꦏ꧀ꦠꦶ꧈ꦝꦲꦫ꧀ꦫꦤ꧀ꦕꦫꦱꦺꦭꦸꦩꦤ꧀‍ꦔꦶꦁꦠꦤ꧀ꦊꦱ꧀ꦠꦫꦶꦲꦶꦁꦮꦸꦫꦶ꧈ꦪꦺꦤ꧀ꦲꦸꦔ꧀ꦒꦸꦭ꧀ꦲꦮꦤꦶꦭꦥ꧈

ꦔꦶꦁꦲꦶꦁꦮꦸꦫꦶꦩꦔ꧀ꦒꦶꦃꦩꦸꦏ꧀ꦠꦶ꧉꧃ꦫꦸꦤ꧀ꦠꦸꦩꦸꦫꦸꦤ꧀ꦲꦤꦏ꧀ꦥꦸꦠꦹ꧈ꦠꦸꦭꦸꦱ꧀ꦲꦩ꧀ꦧꦮꦤ꧀ꦤꦶꦧꦸꦢꦩꦶ꧈ꦮꦶꦢ

ꦢꦲꦩꦔ꧀ꦒꦶꦃꦩꦸꦭꦾ꧈ꦏꦶꦤꦺꦫꦶꦁꦔꦤ꧀ꦩꦺꦴꦚ꧀ꦕꦤꦒꦿꦶ꧈ꦏꦭꦺꦴꦏꦲꦶꦁꦗꦒꦢ꧀ꦫꦪ꧈ꦲꦾꦁꦮꦶꦮꦶꦲꦤꦼꦩ꧀ꦧ

ꦤ꧀ꦤꦶ꧉꧃ꦥꦶꦤꦸꦔ꧀ꦒꦼꦭ꧀ꦒꦤ꧀ꦠꦶꦤꦶꦁꦏꦶꦢꦸꦁ꧈ꦮꦱꦶꦠꦠꦩꦥꦸꦤꦶꦏꦶ꧈ꦢꦼꦭꦥ꧀ꦢꦼꦭꦥ꧀ꦥꦺꦩꦔꦿꦶꦥ꧀ꦠ꧈ꦩꦸꦲꦹꦁꦚꦸ

ꦮꦸꦤ꧀ꦩꦿꦶꦁꦲꦾꦁꦮꦶꦢꦶ꧈ꦤꦸꦱ꧀ꦮꦗꦮꦶꦩꦔ꧀ꦒꦶꦃꦩꦸꦭꦾ꧈ꦒꦼꦩꦃꦫꦶꦥꦃꦭꦺꦴꦃꦗꦶꦤꦮꦶ꧉꧅ꦆ꧅


 note : Untuk bisa membacanya anda harus memasang Font Jawa, klik tautan berikut untuk mengunduh!